Menntaskólinn í Reykjavík

Vikuna 15. – 19. október komu nemendur og kennarar frá Hersleb menntaskólanum í Osló í heimsókn í MR í tengslum við Erasmus+ verkefnið Georesources. Að hálfu MR taka 12 nemendur þátt í þessu verkefni þetta árið og unnu þeir að verkefnum með norsku nemendunum um eldfjöll, jarðskjálfta og jökla. Norsku kennararnir fengu að fara í kennslustundir og kynnast íslenska skólakerfinu og uppbyggingu námsins í MR. Að lokum fóru þau og gistu í Selinu og gengu um Reykjadalinn. Þau voru mjög ánægð með ferðina og við þökkum þeim kærlega fyrir heimsóknina.

hopmyndgeoresource

Líffræðistofunni hefur borist góð gjöf, fjórir förustafir eru nýfluttir í líffræðistofuna og við bjóðum þá velkomna. Um er að ræða fjögur kvendýr, tvö fullvaxin dýr og tvö ung. Förustafir er ættbálkur fremur stórra ílangra skordýra sem sumir líkjast trjágreinum en aðrir laufblöðum. Förustafir eru laufætur og getur verið mjög erfitt að koma auga á þá í náttúrunni. Yfir 3000 tegundir förustafa eru þekktar. Flestar lifa í hitabeltinu en þeir finnast í flestum löndum heims og þykja með afbrigðum skemmtileg gæluskordýr.

 forustafir

Til stendur að efna til samkeppni meðal nemenda um nöfn á þessa nýju vini okkar. Tilhögun keppninnar verður auglýst á næstu dögum en nemendur geta byrjað að leggja höfuðið í bleyti.

förustafir

Þeir nemendur sem ekki eru svo heppnir á fá verklega líffræðikennslu eru boðnir velkomnir að kíkja í líffræðistofuna og heimsækja vinina.

jagestir2018

Nú á dögunum kom 20 manna hópur kennara og skólastjórnenda frá Massachusetts í Bandaríkjunum í heimsókn í skólann. Gestirnir tilheyra sérfræðingahópi í Boston og nágrenni, sem kemur að átaki í stefnumótun menntamála á 21. öldinni, Global Skills for the 21st Century. Rektor tók á móti gestunum í hátíðarsal skólans þar sem Sigríður Aðils, enskukennari kynnti þeim námið í MR. Þá tóku nokkrir nemendur 6.S við keflinu og fylgdu þeim í minni hópum um skólaþorpið. Þeir nemendur sem tók að sér kynningarstarfið stóðu sig með stakri prýði og lofuðu gestirnir frammistöðu þeirra í hástert. Heimsókninni lauk í matsal kennara í Casa Christi. Gestirnir voru afar ánægðir með heimsókn sína í skólann og senda starfsfólki og nemendum sínar bestu þakkir fyrir góðar móttökur.

Sunnudaginn 9. september gengu u.þ.b. 250 nemendur og fjölmargir starfsmenn frá Botnsdal í Hvalfirði, upp á Þyril, yfir Bláskeggsá vestan við Þyril og að Hvalstöðinni þar sem göngunni lauk. Alls var gangan rúmir 10 kílómetrar og tók rúmar 4 klukkustundir með góðum stoppum. Veður var frábært og útsýnið einstakt. Gönguferðin var hluti af valgreinum í íþróttum. Jón Pétur Snæland nemandi í VI.X bekk með aðstoð Sæmundar Guðmundssonar í sama bekk myndaði ferðina og má sjá þær myndir hér.

þyrill

Tollering

Tolleringar fóru fram í gær. Athöfnin er táknræn þar sem eldri nemendur tollera nýnema og verða þeir þá fullgildir MR-ingar.

Athöfnin fór vel fram og vakti athygli og ánægju bæði meðal nemendanna svo og meðal þeirra fjölmörgu ferðamanna sem  horfðu á.

 

Tollering II

Skólinn verður settur mánudaginn 20. ágúst. Nemendur safnist saman fyrir framan skólann kl. 13:50, þaðan verður gengið til skólasetningar í Dómkirkjunni. Eftir skólasetningu fá nemendur stundaskrár og upplýsingar um námið framundan.

Kennsla hefst þriðjudaginn 21. ágúst skv. stundaskrá.
Bókalista má finna á heimasíðu skólans.

Starfsmannafundur verður á Hátíðasal föstudaginn 17. ágúst kl. 9.

Rektor


Skrifstofa skólans verður lokuð vegna sumarleyfa frá mánudeginum 2. júlí. Hún opnar aftur að loknu sumarleyfi þriðjudaginn 7. ágúst.

Innritun nýnema er lokið. Nýnemum sem var boðin skólavist hefur verið sent bréf með upplýsingum um upphaf skólaárs og bóksölu. Þeir eru beðnir um að staðfesta skólavist sína með því að greiða skólagjöldin eigi síðar en 16. júlí.

Eldri nemendum skólans og forráðamönnum þeirra sem eru undir 18 ára aldri hafa verið sendir greiðsluseðlar sem birtast í heimabönkum og er eindagi greiðsluseðils 10. ágúst.

Gleðilegt sumar.

Hollvinir MR óskar nú í þriðja sinn eftir stuðningi félagsmanna sinna til að afla fjár til styrktar ýmsum verkefnum skólans svo sem öflun fullkomins tölvu- og tækjabúnaðar af bestu gerð á hverjum tíma. Frá stofnun félagsins, 1.desember 2013 hafa Hollvinir veitt styrki / gjafir til skólans að upphæð 12,1 m.kr.

Hlutverk Hollvinafélagsins er sem fyrr að vera skólastjórnendum MR til ráðuneytis um hin ýmsu mál. Allir útskrifaðir MR-ingar eru Hollvinir og eru þeir hvattir til að fara inn á Fb-síðu Hollvinafélags Menntaskólans í Reykjavík.


Menntaskólanum í Reykjavík var slitið föstudaginn 01. júní í 172. sinn. Brautskráðir voru 185 nýstúdentar, 73 piltar og 112 stúlkur.

studentar2018

Dúx árgangsins er Hörður Tryggvi Bragason í 6.R með ágætiseinkunn 9,86 og er þetta fimmta hæsta einkunn sem gefin hefur verið á stúdentsprófi frá skólanum. Semidúx er Helgi Sigtryggsson í 6.X með ágætiseinkunn 9,83. Aðrir nýstúdentar með ágætiseinkunn eru:

  • Eydís Oddsdóttir Stenersen 6.M með 9,72
  • Elvar Wang Atlason 6.X með 9,71
  • Elín Edda Guðmundsdóttir 6.Y með 9,67
  • Ágúst Pálmason Morthens 6.X með 9,63
  • Valgerður Jónsdóttir 6.X með 9,5
  • Auður Katarina Theodórsdóttir 6.X 9,27
  • Margrét Kristín Krisjánsdóttir 6.M 9,23
  • Garðar Ingvarsson 6.X með 9,22
  • Katrín Agla Tómasdóttir 6.Y 9,22
  • Þórhildur Guðmundsdóttir 6.B 9,19
  • Kristján Ari Tómasson 6.X 9,18
  • Herdís Eva Hermannsdóttir 6.R 9,17
  • Guðrún Þorláksdóttir 6.B 9,13
  • Laufey Jörgensdóttir 6.X 9,07
  • Davíð Sigurjónsson 6.B 9,00
 
 
Fjölmargir afmælisstúdentar voru viðstaddir athöfnina. Rektor þakkaði afmælisstúdentum velvilja þeirra og vináttu og fyrir góðar og ómetanlegar gjafir. Ingimundur Sveinsson og fjölskylda vildu sýna skólanum þakklæti og styðja við hið góða starf skólans með því að gefa 10 milljónir til Framkvæmdasjóðs. Við athöfnina fluttu fulltrúar afmælisstúdenta ræður. Hörður Þorleifsson flutti ræðu fyrir hönd 70 ára júbilanta, Pétur Gunnarsson fyrir 50 ára júbilanta og Lilja Dögg Alfreðsdóttir fyrir hönd 25 ára júbilanta. 
 
 

Hannes Friðsteinsson umsjónarmaður skólans fagnaði þeim áfanga að hafa starfað við skólann í þrjátíu ár. Guðbjartur Kristófersson efnafræði- og jarðfræðikennari, Ólöf Helga Guðmundsdóttir mynlista- og enskukennari og Sigríður Hlíðar stærðfræði kennari láta af störfum eftir þetta skólaár. Rektor þakkaði þeim fyrir langa og dygga þjónustu við skólann og óskaði þeim farsældar á komandi árum.

kennarar

Að lokum óskaði rektor foreldrum og öðrum vandamönnum nýstúdenta til hamingju með daginn og flutti nýstúdentum heillaóskir frá skólanum og starfsfólki hans.