GRUNNSKÓLAKEPPNIN Í STÆRÐFRÆÐI

Verðlaunaafhending í keppni grunnskólanemenda í stærðfræði fór fram á Hátíðasal Menntaskólans í Reykjavík sunnudaginn 14. apríl.

Athöfnin var afar vel sótt og var salurinn þétt setinn.

Stærðfræðikeppni grunnskólanema var haldin í MR þriðjudaginn 12. mars. Alls tóku 321 nemandi úr 21 grunnskólum þátt í keppninni úr 8., 9. og 10. bekk. Þátttaka var sérstakleg góð í 10. bekk en þar mættu yfir 150 einstaklingar og hafa þeir aldrei verið fleiri. Stærðfræðikeppni fyrir grunnskólanemendur var nú haldin í 19. skipti í Menntaskólanum í Reykjavík. Sólveig G. Hannesdóttir rektor bauð gesti velkomna og sagði frá sögu skólans og frá ýmsum fróðleik. Ína Julia Nikolov 6.X flutti fallegt lag á flygil áður en Einar Guðfinnsson fagstjóri í stærðfræði og Einar Hreinsson konrektor afhentu verðlaun og viðurkenningar. Nemendur í 10-11 efstu sætunum á hverju stigi fengu viðurkenningarskjal frá skólanum og reiknivél af gerðinni Casio frá Heimilistækjum en þrír efstu á hverju stigi fengu einnig peningaverðlaun frá Arionbanka. Þeir keppendur sem fengu viðurkenningu í fyrra fengu bók í stað reiknivélar. Rektor þakkaði stærðfræðikennurum fyrir skipulagningu keppninnar og umsjón með framkvæmd hennar, nemendum skólans og kennurum fyrir aðstoð við yfirsetu í keppninni og Arionbanka fyrir að styrkja keppnina. Einnig þakkaði hann fyrir gott samstarf með skólastjórum og stærðfræðikennurum grunnskólanna sem tóku þátt og síðast en ekki síst grunnskólanemendum fyrir þátttökuna.

Verðlaunahafar í 8. bekk eru:

Verðlaunahafar í 9. bekk eru:

Verðlaunahafar í 10. bekk eru: