Sérúrræði í jóla- og vorprófum
Nemendur sem eru með greiningu á sértækum námsörðugleikum, hafa búið lengi erlendis, tala íslensku sem annað tungumál eða eru tvítyngdir geta sótt um eftirfarandi í jóla- og vorprófum:
- Lengri próftíma
- Lituð blöð
- Upplestur (talgervill) á prófum í erlendum tungumálum
Ef nemandi telur sig þurfa á sérúrræðum að halda vegna annarra vandkvæða þarf að koma í viðtal í náms- og starfsráðgjafa.
Svona sækir nemandi um sérúrræði:
- Sendir tölvupóst til námsráðgjafa og pantar viðtalstíma.
- Í viðtali hjá námsráðgjafa fyllir nemandi út umsókn og skilar inn gögnum til rökstuðnings fyrir sérúrræðum.
- Námsráðgjafi samþykkir og skráir.
Athugið:
- Ekki er þörf á að skila greiningunum sjálfum, vottorð frá sérfræðingi um að nemandi þurfi á sérúrræði að halda er nægjanlegt.
- Nemandi sem er í greiningarferli en er ekki kominn með greiningu getur sótt um sérúrræði.
- Þegar búið er að skrá sérúrræði fyrir nemanda einu sinni haldast þau inni allan námstímann nema að nemandi óski eftir öðru.
Umsóknarfrestur:
- Frestur til þess að sækja um sérúrræði í jólaprófum er til og með 15. október.
- Frestur til að sækja um sérúrræði í vorprófum er til og með 25. janúar.