Árið 1883 var nemenda- og málfundafélagið Framtíðin stofnað og hefur starfað í Menntaskólanum í Reykjavík síðan þá. Félagið hefur fylgt nemendum skólans í gegnum súrt og sætt, eflt mælsku- og ritlist innan skólans og haldið skemmtanir fyrir nemendur af ýmsu tagi. Félagið hefur haft umsjón með MORFÍs liði skólans og hinum árlega MR-VÍ degi. Það gefur út elsta skólablað landsins, Skinfaxa, sem nú hefur sameinast Skólablaðinu og heitir nú Skólablaðið Skinfaxi. Einnig sér félagið um böll nemenda eftir áramót en meðal þeirra er Árshátíð Framtíðarinnar og Miðannaball Framtíðarinnar.

Félagið hefur merka sögu að baki. Í stjórn þess hafa setið þjóðkunnir einstaklingar og þá oft þekktir stjórnmálamenn. Einnig starfa ótal undirfélög, nefndir og ráð innan Framtíðarinnar en þau eru: Auglýsinganefnd MR, Feministafélagið Aþena, Grænkerafélagið, Hagsmunaráðið, Hinseginfélagið Catamitus, Lagatúlkunarnefnd MR, Ljósmyndafélag MR, Mannréttindafélagið Cyrus, Róðrafélag MR, ritnefnd Skólablaðsins Skinfaxa, Skrallfélagið, Lúdó, Fífanefndin, Gjörningafélagið, Gólffélagið, Góðgerðafélagið, Heimspekifélagið, stjórn Frúardags, Leynifélagið, ritnefnd Loka Laufeyjarsonar, Skákfélagið, Andavinafélagið, Spilafélagið, Stuðmannafélagið, Vísindafélagið, Zkáldzkaparfélagið og Öldungarráðið. Að auki er innan Framtíðarinnar stjórn félagsins, amtljónsfjölskyldan og eftirfarandi einstaklingsembætti; blóraböggull, Don Pósei og tímavörður. Eins og heyra má er nóg í boði. Stjórn félagsins sér um utanumhald og yfirsýn en í henni sitja:

Forseti: Kristrún Ágústsdóttir (kristrun.agustsdottir@gmail.com), s. 8537020

Stiftamtmaður: Selma Karlsdóttir (selmakarls@gmail.com), s. 772 3093

Gjaldkeri: Kristján Dagur Jónsson (kristjandagur@gmail.com), s. 899 1625

Amtmaður: Júlía Jökulrós Magnúsdóttir (juliajokulros05@gmail.com), s. 831 3332

Amtmaður: Pétur Már Jónasson (peturmarj@outlook.com), s. 858 3055

Markaðsstjóri: Ari Jónsson (arijons12345@gmail.com), s. 858 3055

Hægt er að hafa samband á samfélagsmiðlum félagsins (@framtidin) og í netfangið framtidin@mr.is.