Menntaskólinn í Reykjavík

  • Skrifstofan - Sumarleyfi
    Skrifstofa skólans er lokuð vegna sumarleyfa frá 24.júní til 7.ágúst. Bóksalan opnar 14.ágúst og er þá hægt að kaupa þau hefti sem er sérstaklega merkt inn á bókalistum (stjórnumerkt)
    Bókalistar
    4.bekkur
    5.bekkur
    6.bekkur

Laugardaginn 17. mars var opið hús í Menntaskólanum í Reykjavík. 10. bekkingar og forráðamenn þeirra voru boðnir velkomnir í skólann til að kynna sér nám, félagslíf nemenda og annað starf í skólanum. Nemendur og starfsfólk skólans sáu um kynninguna. Við þökkum þeim fjölmörgu sem komu í heimsókn en aldrei áður hafa jafnmargir gestir mætt á opið hús í skólanum.

Úrslit úr forkeppni framhaldsskólanna í efnafræði liggja fyrir. 11. almenna landskeppni í efnafræði fór fram 28. febrúar. Fimmtán nemendum er boðið að taka þátt í úrslitakeppninni sem fram fer í Háskóla Íslands helgina 17. og 18. mars næstkomandi. Árangur nemenda skólans var mjög góður og af þessum fimmtán nemendum eru átta úr MR. Í efstu sætunum eru:

Úrslit úr forkeppni framhaldsskólanna í eðlisfræði liggja fyrir. Landskeppni í eðlisfræði fór fram 14. febrúar. Fjórtán nemendum er boðið að taka þátt í úrslitakeppninni sem fram fer í Háskóla Íslands helgina 24. og 25. mars næstkomandi. Árangur nemenda skólans var mjög góður og af þessum fjórtán nemendum eru tíu úr MR. Í efstu sætunum eru:

167. frumsýning Herranætur, leikfélags Menntaskólans í Reykjavík, verður klukkan 19:00 föstudaginn 24. febrúar.

Leikritið er byggt á Grimmsævintýrum og hefur leikhópurinn ásamt sérstöku ritteymi spunnið sögurnar saman í eina heilsteypta sýningu. Tónlistin er frumsamin og spila nemendur skólans á sviði. Leikstjóri er Kolbrún Halldórsdóttir.

Leikritið er sýnt í Norðurpólnum á Seltjarnarnesi.

Næstu sýningar eru 26. febrúar, 29. febrúar, 2. mars, 4.mars, 6. mars, 7. mars og 10. mars. Allar sýningar hefjast kl. 20 en nánari upplýsingar er unnt að nálgast á facebook síðu Herranætur.

Nemendur frá Menntaskólanum í Reykjavík báru sigur úr býtum í HR-áskoruninni sem haldin var í Háskólanum í Reykjavík 18. febrúar í tengslum við Háskóladaginn.

Fjögur lið kepptu til úrslita og hlutskarpast varð lið frá Menntaskólanum í Reykjavík. Áskorunin í ár fólst í því að hanna og smíða vél sem flutti geisladisk milli tveggja staða. Vélin þurfti að nota a.m.k. 20 aðgerðir og geisladiskurinn að hafa viðkomu á a.m.k. tveimur öðrum stöðum. Keppnin reyndi verulega á tæknilegt innsæi og hugmyndaflug. Sigurliðið skipuðu Jón Sölvi Snorrason, 5.X, og Pétur Helgi Einarsson, 5.Z.

Sunnudaginn 29. janúar voru haldnir í Eldborgarsal Hörpunnar tónleikar Sinfoníuhljómsveitar tónlistarskólanna og með þeim sungu kórar Flensborgarskólans og Menntaskólans í Reykjavík.

Unga fólkið flutti verkin með glæsibrag enda var í boði metnaðarfull efnisskrá. Það var ekki hægt annað en að fyllast stolti yfir glæsilegum tónleikum.

Hamingjuóskir til allra sem stóðu að þessum tónleikum.