Á stjórnarfundi Hollvinafélags Menntaskólans í Reykjavík skilaði einn stjórnarmanna, Bogi Ágústsson, bók sem hann hafði fengið að láni á Íþöku þegar hann var nemandi við skólann. Rektor veitti bókinni viðtöku og felldi í leiðinni niður áfallnar sektir á bókina. Bókin er Kommúnistaávarpið eftir Karl Marx og Friðrik Engels, frá 1949 (2 útg.)
Hollvinafélag MR stendur nú fyrir söfnun, en hollvinir hafa frá upphafi styrkt skólann til ýmissa góðra verka. Í tilefni af 180 ára afmælis skólans 2026 hafa hollvinir styrkt ritun næsta bindis af Sögu Reykjavíkurskóla. Bindið mun fjalla um skólalíf frá miðjum níunda áratug til 2016/2017. Skólinn er afar þakklátur þeim hlýhug sem honum er sýndur af hollvinum og öðru velvildarfólki.
Nú er komin valgreiðsla í heimabankann hjá hollvinum MR og skólinn er afar þakklátur fyrir framlag þeirra sem sjá sér það fært. Athugið að skráning á ‚bannlista‘ við markaðshringingum hjá þjóðskrá veldur því að ekki er hægt að senda viðkomandi valgreiðslu í heimabanka. Fyrir þau sem eru merkt þannig en vilja styrkja Hollvinafélagið, má leggja beint inn á reikning Hollvinafélagsins: 512-14-402158, kennitala 650214-0720, upphæð 6900,-.
