Stefna um erlent samstarf

Í Menntaskólanum í Reykjavík er unnið samkvæmt menntastefnu sem reist er á grunnþáttum menntunar þar sem áhersla er lögð á þátttöku í lýðræðislegu samfélagi, læsi, sjálfbærni, heilbrigði, jafnrétti og sköpun. Skólinn kappkostar að efla þroska nemenda, stuðla að umburðarlyndi og víðsýni, sem og meðvitund um sjálfbæra og heilbrigða lifnaðarhætti. Skólinn starfar samkvæmt  heilsueflandi markmiðum framhaldsskóla sem felast í að auka andlegt og líkamlegt heilbrigði og velferð nemenda. Þátttaka nemenda og starfsfólks í erlendu samstarfi er mikilvægur þáttur skólastarfsins sem styður við ofangreinda grunnþætti menntunar.

Markmið erlends samstarfs með dæmum um hvernig það þjónar stefnu skólans:

• að undirbúa þátttöku í lýðræðislegu samsfélagi, stuðla að skilningi á mannréttindum, umburðarlyndi og víðsýni
  • með því að eiga lifandi samskipti við jafnaldra og starfsfélaga í öðrum löndum við ólíkar aðstæður, setja sig í annarra spor og deila eigin reynslu.
• að stuðla að læsi, gagnrýnni og skapandi hugsun
  • erlent samstarf styður við tungumála- og menningarlæsi nemenda og starfsfólks.
  • samstarfsverkefni geta haft sértæk læsismarkmið, t.d. að styðja við vísindalæsi eða umhverfislæsi.
  • samstarfsverkefnum fylgja áskoranir og gjarnan óvæntar aðstæður sem krefjast lausnamiðaðrar hugsunar sem er gagnrýnin og skapandi.
• að stuðla að sjálfbærni, heilbrigðum lifnaðarháttum og vellíðan
  • með því að deila reynslu og skoða eigin viðhorf gagnvart annarra og eigin lifnaðarháttum hvað varðar nýtingu auðlinda, mataræði, hreyfingu og geðheilbrigði svo eitthvað sé nefnt.
  • með því að kynnast fjölbreyttum viðhorfum á breiðum grundvelli.
  • með því að tileinka sér nýja reynslu og fá innblástur til að auka fjölbreytni, tilbreytingu, gleði og ánægju í skólastarfinu.

Leiðir að markmiðum

Í viðleitni til að ná ofangreindum markmiðum er stefnt að því að:

• viðhalda tengslaneti sem hefur orðið til í fyrri samstarfsverkefnum
• virkja kennara og annað starfsfólk
  • kynna stefnu skólans í erlendu samstarfi og aðgerðaráætlun
  • kynna möguleika á erlendu samstarfi og kosti þess fyrir skólasamfélagið
• sækja um Erasmus+ aðild
• sækja um styrki, sérstaklega Erasmus+ styrki og Nordplus verkefni
  • með þátttöku nemenda og kennara
    • námsferðir
    • móttaka erlendra gesta
  • með þátttöku kennara og annars starfsfólk skólans
    • endurmenntun
    • ráðstefnur og fundir
  • skilgreina stöðugildi og starfslýsingu verkefnastjóra erlends samstarfs
  • skilgreina hlutverk fjármálastjóra hvað snertir umsjón styrkja fyrir erlent samstarf

Aðgerðaáætlun 2022-2027