Verðlaunaafhending í keppni grunnskólanemenda í stærðfræði fór fram á Hátíðasal Menntaskólans í Reykjavík sunnudaginn 30. mars.
Athöfnin var afar vel sótt og var salurinn þétt setinn.
Stærðfræðikeppni grunnskólanema var haldin í MR þriðjudaginn 11. mars. Alls tóku 389 nemendur úr 23 grunnskólum þátt í keppninni úr 8., 9. og 10. bekk og hafa þátttakendur aldrei verið fleiri. Stærðfræðikeppni fyrir grunnskólanemendur var nú haldin í 20. skipti í Menntaskólanum í Reykjavík. Sólveig G. Hannesdóttir rektor bauð gesti velkomna og sagði frá sögu skólans og frá ýmsum fróðleik. Katrín Jónsdóttir 6.S flutti skemmtilegt lag á fiðlu áður en Einar Guðfinnsson og Kári Sigurðsson, fagstjórar í stærðfræði, afhentu verðlaun og viðurkenningar. Nemendur í 10 efstu sætunum á hverju stigi fengu viðurkenningarskjal frá skólanum og reiknivél af gerðinni Casio frá Heimilistækjum en þrír efstu á hverju stigi fengu einnig peningaverðlaun frá Arionbanka. Þeir keppendur sem áður höfðu fengið viðurkenningar í fyrri keppnum fengu bók í stað reiknivélar. Rektor þakkaði stærðfræðikennurum fyrir skipulagningu keppninnar og umsjón með framkvæmd hennar, nemendum skólans og kennurum fyrir aðstoð við yfirsetu í keppninni og Arionbanka fyrir að styrkja keppnina. Einnig þakkaði hann fyrir gott samstarf með skólastjórum og stærðfræðikennurum grunnskólanna.
Verðlaunahafar í 8. bekk eru:
Sæti Nafn og skóli
1. Halldór Finnsson Laugalækjarskóla
2.-3. Eyþór Orri Björnsson Hagaskóla
2.-3. Sebastian Smári Samúelsson Álftamýrarskóla
4.-7. Bjarni Bergþórsson Hlíðaskóla
4.-7. Emil Kári Arnarsson Valhúsaskóla
4.-7. Rebekka Hilmisdóttir Foldaskóla
4.-7. Úlfur Martino Solimene Laugalækjarskóla
8.-10. Dagur Claxton Árbæjarskóla
8.-10. Jón Björn Margrétarson Foldaskóla
8.-10. Steinar Þór Oddsson Árbæjarskóla
Verðlaunahafar í 9. bekk eru:
Sæti Nafn og skóli
1. Ingvar Zolotuskiy Landakotsskóla
2.-3. Alexander Schram Garðaskóla
2.-3. Steinn Atlason Hagaskóla
4. Natalía Eir Curtis Ölduselsskóla
5.-6. Jónatan Vignir Guigay Hlíðaskóla
5.-6. Lára María Hansdóttir Valhúsaskóla
7. Sigþór Örn Gunnarsson Ingunnarskóla
8.-10. Hildur Ásgeirsdóttir Réttarholtsskóla
8.-10. Nína Marín Andradóttir Háteigsskóla
8.-10. Tryggvi Hreinn Gunnarsson Laugalækjarskóla
Verðlaunahafar í 10. bekk eru:
Sæti Nafn og skóli
1. Hákon Árni Heiðarsson Garðaskóla
2. Þorkell Guðbrandsson Hlíðaskóla
3. Jannika Jónsdóttir Hagaskóla
4. Ísabella Magnúsdóttir Valhúsaskóla
5.-6. Kjartan Orri Ingvarsson Laugalækjarskóla
5.-6. Tómas Heiðar Helgason Víðistaðaskóla
7.-8. Alexander Arnar Björnsson Vogaskóla
7.-8. Sólveig Freyja Hákonardóttir Smáraskóla
9.-10. Hildur Óskarsdóttir Hagaskóla
9.-10. Tryggvi Kristinn Sveinbjörnsson Hagaskóla
