Íslenskudeildin var með nýyrðasamkeppni á degi íslenskrar tungu. Nemendur áttu að finna nýyrði fyrir airpods.
Veitt voru tvenn verðlaun, annars vegar fyrir fallegasta orðið og hins vegar fyrir notendavænsta orðið.
Fallegasta orðið: Ómvölur
Þór Ástþórsson, 4.C
„Ómvölur“. Auðskilið orð sem nær fram sömu merkingu. Völur eru léttar, litlar og hvítar og minna þannig verulega á AirPods, einnig minna þær á baunir eða belgi sem væri beinþýðing á pod. Svo þegar þeim er skellt saman framleiða þær álíka hljóð og AirPods gera þegar þeim er skellt saman. Ómur er svo bara fislétt og fallegt hljóð.
Notendavænsta orðið: Hlubbar
Svanhildur Margrét, 4.D.
„Hlubbar“, samsett úr „hlusta“ og „stubbar“.
Önnur skemmtileg orð sem bárust og okkur þykir vert að nefna:
Hljóðormar
Hljóðsniglar
Hljóðpúðar
Heyrnalokkar
Heyrnakuðungur
Eyrnakonfekt
Smátalari/Smátalarar
Íbein
Heyrnapinnar
Stuðpinnar
Tónstönglar
Eyrnapöddur
Eyrvarp
Bragabræður
Eyrnamergsseglar
Örglymur (sbr. Glymskratti)
Skrafarar
Heyrigeiri
