Menntaskólinn í Reykjavík

  • Jólaprófstaflan 2019
    Nú má sjá jólaprófstöfluna 2019 hér eða í valmynd til hægri.

Laugardaginn 6. apríl  var opið hús í Menntaskólanum í Reykjavík. 10. bekkingar og forráðamenn þeirra voru boðnir velkomnir í skólann til að kynna sér nám, félagslíf nemenda og annað starf í skólanum. Nemendur og starfsfólk skólans sáu um kynninguna. Mikill fjöldi fólks lagði leið sína í skólann á opna húsið eins og meðfylgjandi myndir sýna.  Við þökkum öllum þeim sem komu í heimsókn til okkar þennan dag.

picasa_albumid=5867925612293584801

Í mars 2013 fór Kór Menntaskólans í Reykjavík í mikla frægðarför í kórakeppni til Prag með viðkomu í Berlín. Með í för voru 45 kórmeðlimir ásamt Kára Þormar kórstjóra og tveimur fylgdardömum, Önnu Hafberg og Sigrúnu Benediktz.

Opið hús í Menntaskólanum í Reykjavík fyrir 10. bekkinga og forráðamenn þeirra verður laugardaginn 6. apríl kl. 14-16. Allir eru hjartanlega velkomnir.

Listamaðurinn Sigríður Heimisdóttir kynnti nýjan lampa á Hönnunarmars í gluggum Menntaskólans í Reykjavík og var kveikt á ljósunum að kvöldi 13. mars með aðstoð stjórnar Listafélags MR.

Í auglýsingu listamannsins segir: "Húsið sem hýsir skólann í dag var byggt 1846 og er ein af fallegustu byggingum landsins.  Lampinn er teiknaður með glugga skólans í huga.  Hugmyndin er sú að gera lampa í formi glugga - sem lýsir upp veröldina í mesta skammdeginu. Ekki veitir af!"   Við óskum Sigríði Heimisdóttur til hamingju með góða hugmynd og fallegt listaverk.

picasa_albumid=5855131168696034417

Þann 1. mars síðastliðinn var leikritið Doktor Fástus í myrku ljósi frumsýnt á Herranótt. Leikstjóri er Brynhildur Guðjónsdóttir og um búninga og leikmynd sér Kristína R. Berman. Ljósahönnun er í höndum Karls Sigurðssonar og tónlistarstjóri er Jóhann Fr. Jóhannsson.

Verkið er þýtt úr ensku af Brynhildi Guðjónsdóttur, Ingólfi Eiríkssyni og Matthíasi Tryggva Haraldssyni en þeir tveir síðastnefndu eru nemendur í 5. bekk. Upprunalega handritið er óperetta og skrifað af Gertrude Stein árið 1938. Hún tekur þar fyrir mýtuna um Fástus sem selur djöflinum sál sína og í þetta skiptið er sálin föl fyrir rafmagnsljósið. Inn í söguþráðinn fléttast svo ýmis utanaðkomandi öfl sem raska ró Fástusar og vísindamannanna hans. 

Starfsmenn skólans sem hafa séð sýninguna eru einróma um að hér sé afar skemmtileg og vel heppnuð sýning á ferð þar sem leikendur standa sig afburðavel, framsögn til fyrirmyndar og þýðingin stókostleg og kemst vel til skila. Leikstjórn er augljóslega í mjög góðum höndum. Frábær sýning og skemmtun og er öllum aðstandendum þakkað.

Leikritið er sýnt í Tjarnarbíói og miðaverð er 1500 krónur fyrir MR-inga, grunnskólanema og börn en 2000 krónur fyrir aðra. Hægt er að nálgast miða á midi.is eða í skólanum.

Sýningar hefjast kl. 20 og aðeins eru fjórar sýningar eftir.  Þær verða þriðjudaginn 12. mars, föstudaginn 15. mars, sunnudaginn 17. mars og þriðjudaginn 19. mars.

picasa_albumid=5852158505940838497