Menntaskólinn í Reykjavík

  • Fjallgangan sunnudaginn 15.sept
    Skráningu er lokið í fjallgönguna um Svínaskarð nk. sunnudag 15 sept. Mikilvægt er að allir þátttakendur mæti stundvíslega kl. 8.45 á malarbílastæðin neðan við HÍ þaðan sem farið verður á rútum. Ekki má fara á einkabílum. Mikilvægt er að hafa gott nesti meðferðis og skjólgóðan klæðnað í samræmi við veðurfar.  Hér má finna útbúnaðarlista og fleiri upplýsingar. Áætluð heimkoma er á milli 15.30 og 16.00.

17. almenna landskeppnin í efnafræði fór fram 28. febrúar. Alls tóku þátt 102 nemendur úr sjö skólum. 13 efstu keppendum er boðið að taka þátt í úrslitakeppni sem haldin verður í Háskóla Íslands helgina 24.-25. mars. Árangur nemenda skólans var mjög góður og í þessum 13 manna hópi eru níu nemendur úr MR:

2. Þorsteinn Ívar Albertsson 5.X
3. Ægir Örn Kristjánsson 5.X
4. Eldar Máni Gíslason 5.X
5. Telma Sigþrúður Guðbjarnadóttir 5.T
6. Þorbjörg Anna Gísladóttir 5.Y
9. Þorvaldur Ingi Elvarsson 5.S
11. Hrólfur Eyjólfsson 5.X
12. Gizur Sigfússon 6.M
13. Þorsteinn Freygarðsson 5.X.

Við óskum nemendum til hamingju með mjög góðan árangur.

Einkunnir að loknum jólaprófum verða afhentar fimmtudaginn 20. desember. Nemendur eru beðnir um að safnast saman fyrir framan skólann kl. 13:50. Þá verður gengið til jólastundar í Dómkirkjunni. Að henni lokinni verða einkunnir afhentar í heimastofu hvers bekkjar um kl. 14:30. Kennsla hefst að loknu jólaleyfi skv. stundaskrá föstudaginn 4. janúar kl. 8:10.

hollvinafelag2018

Hollvinafélag Menntaskólans í Reykjavík hélt upp á 5 ára afmælið 1. desember s.l. Við athöfn á Hátíðasal skólans afhenti Hollvinafélagið 3,5 milljóna króna gjöf til skólans til kaupa á fartölvum fyrir fastráðna kennara skólans. Skólinn þakkar af heilum hug þessa höfðinglegu gjöf og þann hug sem fyrrverandi nemendur skólans sýna skólanum.

hollvinafelag2018 2

Fræðslukvöld á vegum Foreldrafélags MR verður mánudaginn 4. mars. Mikill áhugi er á fundinum en salurinn á annarri hæð skólans tekur aðeins 100 manns í sæti. Því miður er ekkert annað húsnæði í skólanum sem er nægilega stórt og hefur útbúnað fyrir stóra fundi. Því hefur verið ákveðið að flytja foreldrakvöldið í sal í Háskólanum í Reykjavík. Salurinn heitir V101 og er til vinstri á fyrstu hæð þegar komið er inn aðalinnganginn.

Fundurinn hefst stundvíslega klukkan 20. Anna Steinsen heldur erindi sem ber yfirskriftina ”Hvernig ýtum við undir sjálfstraust og vellíðan barna okkar?”.

Dagana 2.-5. mars dvöldu rúmlega 90 nemendur sem stunda þýskunám við MR með kennurum sínum í Berlín og tóku þátt í dagskrá byggðri á hluta af námsefni 5. bekkjar í þýsku. Þemað í skólaferðinni var saga Þýskalands og Berlínar, nánar tiltekið seinni heimsstyrjöldin og kalda stríðið. Ferðalangarnir heimsóttu nokkur sögusöfn tengd námsefninu og létu ekki fimbulkuldann sem gekk yfir Evrópu í síðustu viku stöðva sig þegar hópurinn gekk um sögufrægar slóðir höfuðborgarinnar. Hópurinn fór einnig í skoðunarferð upp í hvelfingu Ríkisþinghúss Berlínar og naut útsýnisins yfir borgina frá öllum áttum í einstöku skyggni. Fararstjórarnir í ferðinni voru alveg einhuga um að sérlega vel hafi tekist til með þennan fjölmenna hóp og óhætt að segja að nemendur skólans hafi verið til mikillar fyrirmyndar.

 Hér má sjá myndir úr ferðinni

Söngkeppni Skólafélagsins var haldin í Hörpu föstudaginn 15. febrúar síðastliðinn. Hún var stórglæsileg og vel skipulögð og eiga þeir fjölmörgu sem að henni komu mikið hrós skilið. Söngatriðin voru fjölmörg og hvert öðru betra og hlutverk dómnefndar því ekki öfundsvert. Ingibjörg Iða Auðunardóttir í VI. S heillaði dómnefnd og áheyrendur og verður fulltrúi skólans í Söngkeppni framhaldsskólanna. Hún naut aðstoðar Auðar Indriðadóttur, Páls Viðars Hafsteinssonar, Ragnheiðar Ingunnar Jóhannsdóttur og Steinunnar Maríu Þormar. Við óskum þeim innilega til hamingju og þökkum öllum sem tóku þátt fyrir frábæra kvöldstund.

Songkeppni19

Stöðupróf í bosnísku verður haldið fimmtudaginn 29. nóvember kl. 10:00 í Fjölbrautaskóla Snæfellinga. Próftakan kostar kr. 13.000-.
Próftakar þurfa að millifæra prófgjaldið inn á 0321-26-644, kt. 470104-2010, fyrir kl. 12:00 þann 28. nóvember og mæta með kvittun fyrir millifærslunni í prófið, ásamt skilríkjum. Þegar millifærsla á sér stað, þá vinsamlega tilgreinið í skýringu kennitölu próftaka.
Óski próftaki eftir að þreyta próf í öðrum skóla en FSN þá þarf viðkomandi að fá leyfi fyrir próftöku í eigin skóla.

Nýr náms- og starfsráðgjafi hefur tekið til starfa  Anna Katrín Ragnarsdóttir. Námráðgjöfin hefur verið flutt úr Villa Nova yfir í Skólahúsið á þriðju hæð fyrir innan bóksölu við hlið hjúkrunar.  Hér eru þær stöllur:  Andrea Ásbjörnsdóttir hjúkrunarfræðingur , Guðrún Þ. Björnsdóttir og Anna Katrín Ragnarsdóttir náms- og starfsráðgjafar.

nyrnamsradgjafi

Dagana 22. – 26. febrúar var farið í menningarferð til London með hópa úr myndlistarvali, kvikmyndaenskuvali og Tolkien-vali og tókst ferðin einstaklega vel. Farið var í dagsferð til Oxford þar sem leiði Tolkiens, háskólinn sem hann kenndi við og heimili hans voru meðal annars skoðuð. Eigandi húsins, sem Tolkien bjó í þegar hann skrifaði The Hobbit og fyrstu tvær bækur af The Lord of The Rings, var svo hrifinn af því að við kæmum frá Íslandi að hann lét okkur fá lykil og við fengum að skoða bakgarðinn þar sem Tolkien eyddi mörgum stundum í að skrifa. Í London voru hin ýmsu söfn skoðuð og fór myndlistarval t.d. á The National Gallery og kvikmynda enskuval áThe British Film Institute (BFI) sem og í Harry Potter-kvikmyndagöngu um borgina.

Nemendur í ferðinni voru til fyrirmyndar og skólanum til mikils sóma.

london2018 1
london2018 2

Hér má finna fleiri myndir úr ferðinni.