Menntaskólinn í Reykjavík

Árleg frönskukeppni framhaldsskólanema „Allons en France 2013“  fór fram á Borgarbókasafninu þann 6. apríl sl. Keppnin var haldin í tilefni af viku franskrar tungu (la semaine de la francophonie). Í keppninni voru sýnd myndbönd eftir 11 keppendur helguð þemanu "ástarjátning" ("déclaration d'amour"). Þar tjáðu nemendur ást sína á einhverju eða einhverjum, á frönsku að sjálfsögðu. Í dómnefnd voru Marc Bouteiller, sendiherra Frakklands á Íslandi, Egill Helgason fjölmiðlamaður og Sólveig Simha, leikkona og frönskukennari. Sjö nemendur tóku þátt fyrir hönd MR, þau Þorgrímur Kári Snævarr, Hulda Vigdísardóttir, Jóhannes Gauti Óttarsson,  Helga Kristinsdóttir, Alexandra Ýr van Erven, Viktoría Vasylyna Alfreðsdóttir og Anna Margrét Ólafsdóttir. Við þökkum þeim öllum þátttökuna. Í fyrsta sæti var Gríma Eir Geirsdóttir nemandi í MH. Hlaut hún að launum ljósmyndanámskeið í París í sumar í boði sendiráðs Frakklands á Íslandi. Önnur verðlaun hlaut Þorgrímur Kári Snævarr og í þriðja sæti var Helga Kristinsdóttir, bæði eru þau nemendur við Menntaskólann í Reykjavík. Það er Félag frönskukennara á Íslandi sem hefur veg og vanda af keppninni í samstarfi við sendiráð Frakklands á Íslandi.

fronskukeppni2013Hluti keppenda ásamt dómnefnd og Jóhönnu Björk Guðjónsdóttur, formanni félags frönskukennara á Íslandi.
Gríma Eir er fjórða frá hægri, henni á hægri hönd eru þau Helga Kristinsdóttir og Þorgrímur Kári Snævarr
sem hlutu þriðju og önnur verðlaun.

Í tengslum við frönsku menningarhátíðina Pourquoi pas ? stóð Sendiráð Frakklands í samstarfi við Vetrarhátíð, Félag frönskukennara á Íslandi og Alliance française, fyrir samkeppni fyrir framhaldsskólanema sem stunda nám í frönsku. Fór keppnin fram í Iðnó, laugardaginn 24. febrúar, kl. 14. Þema samkeppninnar var:  « Qu’est-ce que la France pour vous ? » - « Hvað er Frakkland í ykkar augum ? ». Öll tjáningarform voru leyfð, svo framarlega sem unnið var með franska tungu. Nemendur sömdu ljóð, smásögur, teiknimyndasögur, lag og lagatexta, gerðu stuttmynd, kynningarmyndir og glærusýningar,  tóku ljósmyndir og útbjuggu kynningarspjöld. Var keppt í þremur flokkum eftir árum. Nemendur í MR hrepptu verðlaun í öllum flokkum. Úrslitin voru sem hér segir:

1. flokkur (nemendur á 1. ári)
1. verðlaun:
Stuttmynd eftir:
Ragnheiði St. Ásgeirsdóttir, Sólrúnu Sigurðardóttir, Ívar Sævarsson,
Ými Óskarsson í 3. F.
Sjáið myndbandið hér
2. verðlaun:
Útsaumaður púði eftir Sunnu Dís Hjörleifsdóttur í 3.J.

2. flokkur (nemendur á 2. ári)
1. verðlaun:
Veggspjald og ljóð eftir Dagnýu Engilbertsdóttur í 4. X
2. verðlaun:
Ljóð eftir Brynju Björg Halldórsdóttur í 4. B.

3. flokkur (nemendur á 3. ári)
1. verðlaun:
Kynningarmynd eftir: Valborgu  Sturludóttur, Bjarna Þorsteinsson, Níels Pálma Skovsgaard Jónsson, Erling Einarsson og Arnar Frey Lárusson í 5.S.
Sjáið myndbandið hér

Föstudaginn 28. mars var haldin keppni framhaldsskólanema í ljóðalestri á vegum franska sendiráðsins, kanadíska sendiráðsins og Alliance française.
Að lokinni forkeppni voru átta nemendur valdir  til að taka þátt í úrslitakeppninni.
Nemendur Menntaskólans í Reykjavík stóðu sig frábærlega vel enda voru allir fimm nemendur skólans sem tóku þátt í forkeppninni valdir í úrslitakeppnina.
Þeir voru : Hildur Jörundsdóttir, 6.A, Sunna Örlygsdóttir, 6.A, Thelma Marín Jónsdóttir, 6.A, Vaka Hafþórsdóttir, 6.A og Sólveig Thoroddsen, 5.B.

Sigurvegari varð Thelma Marín Jónsdóttir, 6.A.

franska_IMG_2742_500

franska_IMG_2746_500

franska_IMG_2750_500

Ljóðakeppnin ALLONS EN FRANCE var haldin á  Borgarbókasafninu laugardaginn 21. mars sl. Að keppninni stóðu  Sendiráð Frakklands og Sendiráð Kanada á Íslandi, Félag frönskukennara og Alliance française.  Keppnin er haldin árlega í tengslum við viku franskrar tungu.
Keppendur voru 10 og komu frá fimm framhaldsskólum. Fluttu þau frumsamin ljóð á frönsku og var þemað borg og borgarlíf. Var flutningurinn lifandi og skemmtilegur, sumir notuðu myndefni  og aðrir spiluðu undir á hljóðfæri.
Fulltrúar MR voru Ólafur Sverrir Traustason og Brynja Björg Halldórsdóttir. Þau stóðu sig með afbrigðum vel og lenti Brynja í öðru sæti ásamt keppanda úr Kvennaskólanum. Einnig spilaði kammersveit skipuð þeim Eddu Sigríði Freysteinsdóttur, Katrínu Skúladóttur og Björgu Brjánsdóttur úr MR og Guðbjarti Hákonarsyni úr Laugalækjarskóla.

 

franska09_1

franska09_2

franska09_3

Frönskukeppni framhaldskólanna,  „Allons en France“ var haldin í Borgarbókasafninu laugardaginn 20. mars sl. Að keppninni stóðu Sendiráð Frakklands,  Félag frönskukennara og Alliance française. Keppnin er haldin árlega í tengslum við viku franskrar tungu.
Keppendur í ár voru 5 frá 4 framhaldskólum, Menntaskólanum í Reykjavík, Kvennaskólanum, Menntaskólanum í Hamrahlíð og Borgarholtsskóla. Fluttu nemendur eigin lög við frumsaminn texta og var þemað Frakkland í dag og á morgun.
Fulltrúi MR var Halldór Eldjárn í 5.Y og sigraði hann í keppninni með glæsibrag. Við óskum honum til hamingju með árangurinn. Í öðru sæti var keppandi Kvennaskólans.

2010franska3

2010franska1

2010franska2

  • 1
  • 2