Menntaskólinn í Reykjavík

  • Stöðupróf í norsku og sænsku

    Fréttir

    Stöðupróf í norsku og sænsku
    Vakin er athygli á því að haldin verða stöðupróf í norsku og sænsku 4. maí næstkomandi í Menntaskólanum við Hamrahlíð. Nánari upplýsingar um skráningu er að finna inn á heimasíðu MH og þar er hægt að lesa sér til um prófin. https://www.mh.is/is/namid/prof/stoduprof-i-saensku-og-norsku
  • Vorprófstafla

    Tilkynningar

    Vorprófstafla
    Nú er komin vorprófstafla.

Nemendur skólans leggja sig alla fram í kynningu á skólanum sínum. Vel gert!

Við hvetjum alla grunnskólanemendur og foreldra þeirra til að mæta í Höllina á morgun, laugardag.

mrkynning19

18. almenna landskeppnin í efnafræði fór fram í framhaldsskólum landsins fimmtudaginn 28. febrúar. Alls tók 141 nemandi þátt, úr sex skólum. Sigurvegari er Eldar Máni Gíslason, nemandi við Menntaskólann í Reykjavík, en hann hlaut 100 stig af 100 mögulegum. Meðalstigafjöldi allra keppenda var 36,4 stig.
17 efstu keppendum er boðið að taka þátt í úrslitakeppni sem haldin verður við Háskóla Íslands helgina 23.-24. mars næstkomandi. Við óskum þessum nemendum til hamingju, þeir eru:

1 Eldar Máni Gíslason, MR
2 Ægir Örn Kristjánsson, MR
3 Úlfur Örn Björnsson, Kvennó
4 Alexander Ragnarsson, MR
5 Tómas Ingi Hrólfsson, MH
6 Jón Pétur Snæland, MR
7 Kristján Bjarki Halldórsson, MR
8 Vigdís Gunnarsdóttir, MR
9-10 Hrafnkell Zagross Zahawi, MR
9-10 Þorsteinn Freygarðsson, MR
11 Skjöldur Orri Eyjólfsson, MR
12 Jón Klausen, MH
13 Inga Lilja Ásgeirsdóttir, Kvennó
14 Guðjón Þór Jósefsson, MR
15-17 Heiðar Snær Ásgeirsson, Kvennó
15-17 Freyr Hlynsson, MR
15-17 Sæmundur Guðmundsson, MR

Öllum nemendum er þökkuð þátttakan.

Fjórum efstu keppendum úrslitakeppninnar verður boðið að taka þátt í 4. Norrænu efnafræðikeppninni sem haldin verður í Finnlandi dagana 18.-20. júlí og 51. Alþjóðlegu Ólympíukeppninni í efnafræði sem haldin verður í Frakklandi dagana 21.-30. júlí.

Úrslitakeppni í eðlisfræðikeppni framhaldsskólana fór fram helgina 9.-10. mars. MR-ingar stóðu sig afar vel og er Vigdís Gunnarsdóttir önnur stúlkan til að vinna eðlisfræðikeppni framhaldsskólanna. Í fimm efstu sætunum voru MR-ingar og þeir eru:

1) Vigdís Gunnarsdóttir VI.X
2) Jason Andri Gíslason 5.Z
3) Freyr Hlynsson VI.X
4) Bjarki Baldursson Harksen 5.X
5) Kristján Leó Guðmundsson 5.Z

Innilega til hamingju með frábæran árangur!

Úrslitakeppni í stærðfræðikeppni framhaldsskólanema fór fram laugardaginn 2. mars. Keppendur voru 35. MR-ingar stóðu sig afar vel í keppninni. Í 15 efstu sætunum eru 11 úr MR:
2. Hrólfur Eyjólfsson 6.X
3. Andri Snær Axelsson 5.X
4.-5. Árni Bjarnsteinsson 6.X
4.-5. Vigdís Gunnarsdóttir VI.X
6.-7. Þorsteinn Ívar Albertsson 6.X
8.-9. Arnar Ágúst Kristjánsson 5.Y
8.-9. Jón Gunnar Hannesson 6.X
10.-11. Margrét Snorradóttir VI.X
12.-13. Guðmundur Freyr Ellertsson VI.X
12.-13. Skjöldur Orri Eyjólfsson VI.Y
15. Bjarki Baldursson Harksen 5.X.
Til hamingju með frábæran árangur!

Hreyfing er undirstaða góðrar heilsu og vellíðunar. Starfsmenn og nemendur MR tóku virkan þátt í heilsu- og hvatningarverkefni Íþrótta- og Ólympíusambands Íslands sem fram fór nú í febrúar. Nemendur gerðu sér lítið fyrir og sigruðu í sínum flokki framhaldsskólakeppni Lífshlaupsins.

lifshlaup19 3

Hér sjást tveir hraustir nemendur VI.R, Elías Lúðvíksson og Róbert Vikar Víkingsson, taka við sigurverðlaununum.

Á föstudag áttust við MA og MR í Gettu betur. Þarna mættust tvö góð lið sem stóðu sig afar vel. Að lokum hafði lið MR eins stigs sigur 33-32 og er því komið í úrslit. Til hamingju!

Fræðslukvöld á vegum Foreldrafélags MR verður mánudaginn 4. mars. Mikill áhugi er á fundinum en salurinn á annarri hæð skólans tekur aðeins 100 manns í sæti. Því miður er ekkert annað húsnæði í skólanum sem er nægilega stórt og hefur útbúnað fyrir stóra fundi. Því hefur verið ákveðið að flytja foreldrakvöldið í sal í Háskólanum í Reykjavík. Salurinn heitir V101 og er til vinstri á fyrstu hæð þegar komið er inn aðalinnganginn.

Fundurinn hefst stundvíslega klukkan 20. Anna Steinsen heldur erindi sem ber yfirskriftina ”Hvernig ýtum við undir sjálfstraust og vellíðan barna okkar?”.

Söngkeppni Skólafélagsins var haldin í Hörpu föstudaginn 15. febrúar síðastliðinn. Hún var stórglæsileg og vel skipulögð og eiga þeir fjölmörgu sem að henni komu mikið hrós skilið. Söngatriðin voru fjölmörg og hvert öðru betra og hlutverk dómnefndar því ekki öfundsvert. Ingibjörg Iða Auðunardóttir í VI. S heillaði dómnefnd og áheyrendur og verður fulltrúi skólans í Söngkeppni framhaldsskólanna. Hún naut aðstoðar Auðar Indriðadóttur, Páls Viðars Hafsteinssonar, Ragnheiðar Ingunnar Jóhannsdóttur og Steinunnar Maríu Þormar. Við óskum þeim innilega til hamingju og þökkum öllum sem tóku þátt fyrir frábæra kvöldstund.

Songkeppni19