Menntaskólinn í Reykjavík

  • Skólasetning 2019
    Skólinn verður settur þriðjudaginn 20. ágúst. Nemendur safnist saman fyrir framan skólann kl. 13:50, þaðan verður gengið til skólasetningar í Dómkirkjunni. Eftir skólasetningu fara nemendur í heimastofur og fá stundaskrár og upplýsingar um námið framundan. Kennsla hefst miðvikudaginn 21. ágúst skv. stundaskrá. Bókalista má finna á heimasíðu skólans. Starfsmannafundur verður á Hátíðasal mánudaginn 19. ágúst kl. 13:00. Rektor
  • Bóksala
    Bóksalan opnar 14.ágúst og er þá hægt að kaupa þau hefti sem er sérstaklega merkt inn á bókalistum (stjórnumerkt)
    Bókalistar
    4.bekkur
    5.bekkur
    6.bekkur

Nemendur frá Menntaskólanum í Reykjavík báru sigur úr býtum í HR-áskoruninni sem haldin var í Háskólanum í Reykjavík 18. febrúar í tengslum við Háskóladaginn.

Fjögur lið kepptu til úrslita og hlutskarpast varð lið frá Menntaskólanum í Reykjavík. Áskorunin í ár fólst í því að hanna og smíða vél sem flutti geisladisk milli tveggja staða. Vélin þurfti að nota a.m.k. 20 aðgerðir og geisladiskurinn að hafa viðkomu á a.m.k. tveimur öðrum stöðum. Keppnin reyndi verulega á tæknilegt innsæi og hugmyndaflug. Sigurliðið skipuðu Jón Sölvi Snorrason, 5.X, og Pétur Helgi Einarsson, 5.Z.

Sunnudaginn 29. janúar voru haldnir í Eldborgarsal Hörpunnar tónleikar Sinfoníuhljómsveitar tónlistarskólanna og með þeim sungu kórar Flensborgarskólans og Menntaskólans í Reykjavík.

Unga fólkið flutti verkin með glæsibrag enda var í boði metnaðarfull efnisskrá. Það var ekki hægt annað en að fyllast stolti yfir glæsilegum tónleikum.

Hamingjuóskir til allra sem stóðu að þessum tónleikum.

Kór Menntaskólans í Reykjavík heldur tónleika í Seltjarnarneskirkju þriðjudagskvöldið 20. desember kl. 20:00.

Nemendur eru beðnir um að safnast saman fyrir framan skólann fyrir kl. 13:50 þriðjudaginn 20. desember. Þá ganga nemendur og starfsfólk skólans til jólamessu í Dómkirkjunni og að henni lokinni verða nemendum afhent einkunnablöð í heimastofu hvers bekkjar, en nemendur í 6.A eru beðnir um að fara á Hátíðasal og nemendur í 3.I  á Lestrarsal Íþöku.

Ný heimasíða Menntaskólans í Reykjavík hefur verið tekin í notkun. Innihald vefjarins er hið sama og gamla vefjarins.

Allar ábendingar má senda á vefstjóra á netfangið: vefstjori hjá mr.is