mr.is
IMG_6598.JPG
Fréttir og tilkynningar
Námsferð til Berlínar dagana 2.-5. mars 2018
Miðvikudagur, 07. mars 2018 16:47

Dagana 2.-5. mars dvöldu rúmlega 90 nemendur sem stunda þýskunám við MR með kennurum sínum í Berlín og tóku þátt í dagskrá byggðri á hluta af námsefni 5. bekkjar í þýsku. Þemað í skólaferðinni var saga Þýskalands og Berlínar, nánar tiltekið seinni heimsstyrjöldin og kalda stríðið. Ferðalangarnir heimsóttu nokkur sögusöfn tengd námsefninu og létu ekki fimbulkuldann sem gekk yfir Evrópu í síðustu viku stöðva sig þegar hópurinn gekk um sögufrægar slóðir höfuðborgarinnar. Hópurinn fór einnig í skoðunarferð upp í hvelfingu Ríkisþinghúss Berlínar og naut útsýnisins yfir borgina frá öllum áttum í einstöku skyggni. Fararstjórarnir í ferðinni voru alveg einhuga um að sérlega vel hafi tekist til með þennan fjölmenna hóp og óhætt að segja að nemendur skólans hafi verið til mikillar fyrirmyndar.

 Hér má sjá myndir úr ferðinni

 
Menningarferð til London
Sunnudagur, 04. mars 2018 15:50

Dagana 22. – 26. febrúar var farið í menningarferð til London með hópa úr myndlistarvali, kvikmyndaenskuvali og Tolkien-vali og tókst ferðin einstaklega vel. Farið var í dagsferð til Oxford þar sem leiði Tolkiens, háskólinn sem hann kenndi við og heimili hans voru meðal annars skoðuð. Eigandi húsins, sem Tolkien bjó í þegar hann skrifaði The Hobbit og fyrstu tvær bækur af The Lord of The Rings, var svo hrifinn af því að við kæmum frá Íslandi að hann lét okkur fá lykil og við fengum að skoða bakgarðinn þar sem Tolkien eyddi mörgum stundum í að skrifa. Í London voru hin ýmsu söfn skoðuð og fór myndlistarval t.d. á The National Gallery og kvikmynda enskuval áThe British Film Institute (BFI) sem og í Harry Potter-kvikmyndagöngu um borgina.

Nemendur í ferðinni voru til fyrirmyndar og skólanum til mikils sóma.

london2018 1
london2018 2

Hér má finna fleiri myndir úr ferðinni.

Síðast uppfært: Sunnudagur, 04. mars 2018 16:13
 
Úrslit í landskeppni í eðlisfræði
Föstudagur, 02. mars 2018 09:12

Úrslit úr forkeppni framhaldsskólanna í eðlisfræði liggja fyrir. Fjórtán nemendum er boðið að taka þátt í úrslitakeppninni sem fram fer í Háskóla Íslands helgina 17. og 18. mars næstkomandi. Árangur nemenda skólans var mjög góður og af efstu fjórtán í keppninni eru tíu úr MR.

Í efstu sætunum eru:

Elvar Wang Atlason 6.X, 3. sæti
Árni Bjarnsteinsson 5.X, 5. sæti
Þorsteinn Ívar Albertsson 5.X, 6. sæti
Sæmundur Guðmundsson V.X, 8. sæti
Vigdís Gunnarsdóttir V.X, 9. sæti
Freyr Hlynsson V.X, 10. sæti
Breki Pálsson 6.X, 11. sæti
Þorsteinn Freygarðsson 5.X, 12. sæti
Eldar Máni Gíslason 5.X, 13. sæti
Svala Sverrisdóttir V.X, 14. sæti.

Við óskum þeim til hamingju með mjög góðan árangur.

 
Próftafla - Vor 2018
Mánudagur, 26. febrúar 2018 12:10

Próftafla vorprófa er birt hér til hægri.

Síðast uppfært: Mánudagur, 26. febrúar 2018 12:28
 
«FyrstaFyrri12345678910NæstaSíðasta»

Last month Október 2018 Next month
    S M Þ M F F L
week 40     1 2 3 4 5 6
week 41 7 8 9 10 11 12 13
week 42 14 15 16 17 18 19 20
week 43 21 22 23 24 25 26 27
week 44 28 29 30 31