Menntaskólinn í Reykjavík

Frönskukeppni

Frönskukeppni framhaldskólanna,  „Allons en France“ var haldin í Borgarbókasafninu laugardaginn 20. mars sl. Að keppninni stóðu Sendiráð Frakklands,  Félag frönskukennara og Alliance française. Keppnin er haldin árlega í tengslum við viku franskrar tungu.
Keppendur í ár voru 5 frá 4 framhaldskólum, Menntaskólanum í Reykjavík, Kvennaskólanum, Menntaskólanum í Hamrahlíð og Borgarholtsskóla. Fluttu nemendur eigin lög við frumsaminn texta og var þemað Frakkland í dag og á morgun.
Fulltrúi MR var Halldór Eldjárn í 5.Y og sigraði hann í keppninni með glæsibrag. Við óskum honum til hamingju með árangurinn. Í öðru sæti var keppandi Kvennaskólans.

2010franska3

2010franska1

2010franska2

Frönskukeppni framhaldsskólanema „Allons en France 2011“  fór fram í Borgarbókasafninu þann 19. mars og gekk vel. Keppendur voru átta, frá fimm skólum: Borgarholtsskóla, Kvennaskólanum í Reykjavík, MK, MH og MR.
 Í dómnefnd voru Marine Landais, frá Franska sendiráðinu, Ásta Ingibjartsdóttir og François Heenen frá Háskóla Íslands. Keppendur fluttu frumsamin ljóð eða lög, en þema keppninnar í ár var „Le sport et la francophonie“. Fyrir hönd MR kepptu þrír nemendur, þær Katrín Þóra Sigurbjörnsdóttir úr 5.M, Arna Rut Emilsdóttir úr 4.S og Birna Sigurðardóttir úr 4.S. Þær stóðu sig allar með miklum sóma og hlaut Katrín Þóra 3. sætið.
franska1