Menntaskólinn í Reykjavík

Fréttir

Sinfoníutónleikar

Nemendum og starfsfólki skólans var boðið í dag á tónleika hjá Sinfóníuhljómsveit Íslands í Eldborg þar sem flutt var Rómeó og Júlía eftir Prokofíev.

Leikararnir Esther Talía Casey og Jóhannes Haukur Jóhannesson voru sögumenn og tóku að sér hlutverk ungu elskendanna. Kynning þeirra var skemmtileg sem nemendur kunnu vel að meta.  Hljómsveitarstjóri var Baldur Brönnimann og handritshöfundur Ólafur Egilsson.

Allir nemendur skólans ásamt kennurum sínum sóttu tónleikana. Nemendur voru til fyrirmyndar og skemmtu sér afar vel. Við þökkum Sinfoníuhljómsveit Íslands og öllum sem stóðu að tónleikunum fyrir afar skemmtilega tónleika.