Menntaskólinn í Reykjavík

  • Fjallgangan sunnudaginn 15.sept
    Skráningu er lokið í fjallgönguna um Svínaskarð nk. sunnudag 15 sept. Mikilvægt er að allir þátttakendur mæti stundvíslega kl. 8.45 á malarbílastæðin neðan við HÍ þaðan sem farið verður á rútum. Ekki má fara á einkabílum. Mikilvægt er að hafa gott nesti meðferðis og skjólgóðan klæðnað í samræmi við veðurfar.  Hér má finna útbúnaðarlista og fleiri upplýsingar. Áætluð heimkoma er á milli 15.30 og 16.00.

Fréttir

Menntaskólinn (í Reykjavík) settur í 174. skipti

Elísabet Siemsen, rektor Menntaskólans í Reykjavík, setti skólann við hátíðlega athöfn þann 20. ágúst. Að venju gengu nemendur og kennarar fylktu liði frá MR í Dómkirkjuna þar sem athöfnin fór fram. Á komandi skólaári mun MR í fyrsta sinni einvörðugu starfa eftir breyttu, þriggja ára skipulagi. Á fimmta hundrað nemendur sóttu um inngöngu í skólann og fengu 239 þeirra skólvist á fyrsta ári. Nemendum hefur því fækkað umtalsvert og eru þeir um 670.

Elísabet rektor fór yfir nokkur nýmæli sem framundan eru í rekstri skólans en þau snúa fyrst og fremst að bættri þjónustu við nemendur með velferð þeirra að leiðarljósi, sem og ýmis skref í þá átt að gera rekstur skólans umhverfisvænni.

Sigríður Halla Eiríksdóttir, nemandi við skólann flutti söngatriði við athöfnina. Hefðbundið skólahald hefst á morgun.