Menntaskólinn í Reykjavík

Fréttir

Verðlaunaafhending í líffræðikeppni MR 2019

Nemendur skólans stóðu sig afar vel í landskeppni framhaldsskólanna í líffræði. Af þeim 18 nemendum sem komast áfram í úrslit eru 16 úr MR. Við notuðum tækifærið og nýttum forprófið sem innanskólakeppni milli bekkja og einstaklinga hvers árgangs. Stigahæstu nemendur hvers árgangs fengu að launum bókaverðlaun. Sædís Karolina Þóroddsdóttir í VI.R var ekki aðeins efst af nemendum VI.-bekkja, heldur einnig stigahæst allra í landskeppninni. Örn Steinar Sigurbjörnsson í 5.S kom fast á hæla Sædísar í landskeppninni og var stigahæstur nemenda í 5. bekk. Í þriðja sæti landskeppninnar og sigurvegari í 6. bekk var Jón Gunnar Hannesson í 6.X. Stigahæst nýnema var Vigdís Selma Sverrisdóttir í 4.E og skeikaði aðeins fáeinum stigum að hún kæmist áfram í úrslitakeppnina. Þessir nemendur fengu bækur að launum fyrir frábæran árangur. Bókaforlögin Forlagið, Bjartur og Benedikt gáfu okkur verðlaunabækurnar fyrir milligöngu Guðjóns Ragnars Jónassonar íslenskukennara. Við óskum nemendum til hamingju með glæsilegan árangur og þökkum Guðjóni og bókaforlögunum fyrir góðan stuðning.

Þeir bekkir sem voru hlutskarpastir í árgangakeppninni voru 4.G, 5.X, VI.M og 6.X. Athygli vekur hversu áhugasamir og duglegir eðlisfræðibekkirnir eru í líffræði. Bekkirnir hlutu að launum bækur og myndskreytt dagatöl sem erlendir gestir gáfu skólanum á haustmisseri.

liffkeppni19 2

Örn Steinar, Einar, Árni, Sólrún, Bríet og Snorri, Jón Gunnar og tóku á móti verðlaunum fyrir hönd sinna bekkja og þeirra sem voru fjarri góðu gamni.

liffkeppni19

Sædís Karolina VI.R.